الملتقى / جاسم الركاض أبو خالد
سلطنة عمان __ الخابوره
ياليتها الأقدار ما جابتني ولا مريت
طريق لي من غرس في قلبي وجع
وياليتني ما رفعت عيوني وصديت
ولا شفته ٠٠ أو مسمعي حسه سمع
ياليتني أعمى حين قرب بيته ألفيت
وياليت قلبي من وسط الحنايا أنشلع
كثر ما عشقي الحياه أنا موتي تمنيت
بعد ما شفته ٠٠ وآلم خفاقي رجع
يظن أنسى سيف غدره يوم سليت
بعد ما ذبح الوريد يظن قلبي له شفع
عامين وأنا من طعونه ما تشافيت
أموت وأحياء و يضوي بعذابي شمع
هدم الأماني بعدما قدره أنا عليت
ظنيت أنه قمر والباقي نجم مهما لمع
ياليتها الأقدار ما جابتني ولا مريت
طريق لي من غرس في قلبي وجع
