الملتقى / جاسم الركاض أبو خالد
سلطنة عمان / الخابوره
عودت عيني على شوفتك ماتبالي
وعدت قلبي يعيش من دونك انته
بحرق أنا الذكرى واللي بقالي
وقلبن هواك اليوم يا كيف خنته
بنسى سنيني ومانقضت من ليالي
وبذبح حنين الشوق وصلك قطعته
لو كان مرمرني الزمان وشقالي
قلبي على الصدمات حر وطلقته
أدفنت في رمضا صحاري خيالي
وأرخصت حبك دامني ماملكته
خله يفيدك الجفا والتغالي
شريت حبك وأنت روحك رخصته
ما عاد تطري ولاتجي في سؤالي
ياذا المدلل ذوق ما أنته زرعته
سنين صابر من شقا ضيق حالي
من شغف قلبي ولا دريت بلهفته
عايش حياتك بالفرح والدلالي
جبار وقلبي بسيف غدرك طعنته
بطوي مع الأيام حب مضالي
ومع السلامه دام قلبي كسرته
هذا جزاك على الذي ما جرالي
لونت حبك وللأسف ما عرفته
شربتني من كأس زيفك دلالي
كنت بخريفك وقربك الموت شفته
عندك كرهت الحب وطعم الوصالي
من قلبي والله الحب بسبك حرقته
ألعن حظوظي يوم أشوفك قبالي
ماهي غريبه اليوم شوفك كرهته
من سستمي خارج نطاق أتصالي
محظور ورقمك من جوالي مسحته
ياليت لو للحب قاضي ووالي
برفع قضيه وأول الناس ٠٠ انته
