بقلم / جاسم الركاض أبو خالد
سلطنة عمان _ الخابوره
أدري أنك جاي تتألم وبك جرحن مايموت
بس أنا من العام كفنت ماضيك ودفنته
ذاك أول ٠٠٠ معي كنت لؤلؤ وياقوت
قبل ما خنجر غدرك بصدري غرسته
جاي هذا اليوم ناسي هجرك والشموت
وناسي أنك ٠٠ قلب من حبك جرحته
صدمة حياتي عشتها أنا صمت وسكوت
لحن آهات الحزن كم بوتاري عزفته
تخنقني العبره وتذرف الدمعه بليا صوت
كأنها قطرات غيث الدمع يلي ذرفته
ما قلت في نفسك كيف أنا وقتي يفوت
يا خساره بس عمري انا في قربك خسرته
ما عاد عيوني يوم تنظر عيونك أموت
قلبي ولو عـصاني عهد أني ذبحته
جاي الحين تتألم ٠٠ وبك جرحن مايموت
خلاص أنا من العام كفنت ماضيك ودفنته
