بقلم /جاسم الركاض أبو خالد
سلطنة عمان / الخابوره
تصدق كل من حولي عنك الغلا يسئل
حتى الموج البحر غاضب والنوارس حزينه
ماكنت متوقع هالبعد منك يحصل
حرام ياعيوني كذا دمعك تذرفينه
الموت أرحم نعم ٠٠٠ ولا تبعد وتزعل
الموت أرحم ولاسهر ليلي وحنينه
لا تختفي عن دنيتي تكفى تجمل
يكفيني من هذا العمر بلاوي دفينه
يا نبض قلبي غيابك علينا حيل طول
ذبلت غصون الورد وممحله أرض طينه
تعال وشوف من الاشواق كيف الدمع يهطل
تعال وشوف كيف الهجر جارحتني سنينه
تعال نعيد ليالي العشق وجونا المذهل
تعال نجني بساتين الزهر ونقطف ياسمينه
معقوله الشوق مادق بابك ولا فكرت تسئل
يرضيك أيامك فرح ٠٠ وأنا أيامي حزينه
