بقلم / جاسم الركاض أبو خالد
سلطنة عمان __ الخابوره
أجمل صباح أنتي ونبض قلبي والحياه
وأنتي ياعمري دخون العود أنفاسك
يفز قلبي كل ما أسمك من حولي طراه
خافي ودادك في خفوقي ونور نبراسك
الشوق ذابحني بس خايف من الوشاه
خايف أمر قصرك وتقطع دربي حراسك
أحبك ٠٠ تعالي خذي قلبي بكف يمناه
العواذل ماتهمني لو تقلل قيمة إلماسك
قلبي في حبك ذاب ٠٠ من همه وبلاه
ظامي عطش أسقيني الود من كاسك
غرقيني في ودادك كالطفل يلعب بالمياه
ما يهم الموت قربك والبقيه في راسك
ما يخون الود قلبي دام قلبك هواه
ولا رسم دروب المحبه إلا في ورق كراسك
أنتي أجمل من عرفته ونبض قلبي والحياه
وأنتي أجمل عطوري ودخون العود أنفاسك
