الملتقى / جاسم الركاض أبو خالد
( سلطنة عمان ٠ الباطنه الخابوره)
أجهليني ٠٠ قد ما شئاتي أجهليني
صدقيني مردك لي يرميك الغرور
أجهليني أن كان قصدك تقهريني
صدقيني تجاهلك يعطيني السرور
ماعاد تهميني غيرك الحب الدفيني
لقيت من يهواني ويبادلني الشعور
صرتي ماضي كان في ذكرى سنيني
ذاك أول كان لك حب بقلبي ومحفور
وذاك أول لك غلا يجري بشراييني
قبل ما تحرقي بالهجر وردي والزهور
وقبل ما أنتي تبيعي الغالي الثميني
قلبي أقصد ٠٠ هان تخليه مكسور
ما كنت متوقع بيديك أنتي تذبحيني
ولا كنت متوقع تنهدم ذيك الجسور
ماهي حسايف فيك ساعة تجهليني
أنتي بقايا قمح ورميته لطيور
